ஞானமுள்ள மகன் தகப்பனுடைய போதகத்தைக் கேட்கிறான்; பரியாசக்காரனோ கடிந்துகொள்ளுதலுக்குச் செவிகொடான். - நீதிமொழிகள் 13:1.
மனைவி கனிதரும் திராட்சைச் செடி
பிள்ளைகள் ஒலிவக் கன்றுகள் போல்
இல்லத்தில் மகிழ்ந்து வாழ்வார்கள்
இடைவிடாமல் ஜெபிப்பார்கள்
கர்த்தரை நேசித்து அவர் வழியில்
நடக்கும் மனிதர் பேறுபெற்றோர்
உழைப்பின் பயனை உண்பார்கள்
நன்மையும் நலமும் பெறுவார்கள்
கர்த்தரை நம்பினோர் பேறுபெற்றோர்
சீயோன் மலைபோல் உறுதியுடன்
அசையாமல் இருப்பார்கள்
எங்கள்அன்பின் பரலோக தகப்பனே, தேவரீர் எங்களுக்கு கொடுத்த அருமையான பெற்றோருக்காக உம்மை துதிக்கிறோம். அவர்கள் எங்களுக்காக செய்த தியாகங்கள், எங்களை திருத்தும்படியாக அவர்கள் கொடுத்த போதனைகள் ஒவ்வொன்றிற்காகவும் உம்மை துதிக்கிறோம். பெற்றோர்களாகிய நாங்கள் ஒவ்வொருவரும் எங்கள் பிள்ளைகளை கர்த்தருக்கு ஏற்ற வழியில் நடத்தும்படி கற்றுதாரும், ஞானத்தை தருவீராக. எங்கள் ஜெபத்தை கேட்டு எங்களுக்கு பதில் கொடுப்பவரே உமக்கே நன்றி. இயேசு கிறிஸ்துவின் நாமத்தில் ஜெபிக்கிறோம் எங்கள் ஜீவனுள்ள நல்ல பிதாவே ஆமென்.