ராகாப் (Rahab)
இவள் எரிகோ பட்டணத்தில் ஒரு சத்திரம் வைத்திருந்தாள். யோசுவா அனுப்பின வேவுக்காரர் இவள் வீட்டுக்குப் போனார்கள். எரிகோவின் இராஜா அவர்களைப் பிடிக்க ஆள்களை அனுப்பினபோது, இவள் அவர்களை ஒளித்து வைத்து, வேறே வழியாய் அனுப்பிவிட்டாள் (யோசுவா. 2:1, 22).
இதினிமித்தம் எரிகோ பட்டணம் பிடிக்கப்பட்ட வேளையில், இவளும் இவளுடைய குடும்பத்தார் யாவரும் தப்புவிக்கப் பட்டார்கள். பின்பு இவர்கள் இஸ்ரவேலரோடு சேர்ந்து கொண்டார்கள் (யோசுவா. 6:16-25).
ராகாபுடைய விசுவாசத்தின் மேன்மையும், அவள் கிரியையினால் நீதியுள்ளவளாக்கப்பட்டதும் வேதாகமத்தில் குறித்துள்ளது (எபி. 11:31; யாக். 2:25).
அவள் தாவீதின் முன்னோடியாளென்றும், அவளுடைய வம்சத்தில் இயேசு பிறந்தாரென்றும் சொல்லியுள்ளது (மத். 1:5).
2. ராகாப் என்பதின் அர்த்தம் மேட்டிமை, அகங்காரம். இந்தக்கருத்தோடு எகிப்தைக் குறித்தும் சொல்லியுள்ளது (சங். 87:4, 89:10) ஏசாயா. 51:9இல் இராகாப் என்று சொல்லியுள்ளது.