இயேசு நாத்தான்வேலை, அத்திமரத்தின் கீழே இருக்கும் போது கண்டார். அந்த மரம், அத்தனை முக்கியமல்ல, ஆனால், இயேசு அவனை கண்ட இடத்தை துல்லியமாக அறிந்திருந்து, அதை அறிவித்தது தான் முக்கியம்.
இது நம்முடைய ஆண்டவரின் அன்பான இயல்பை வெளிப்படுத்துகிறது:. மற்றவர்கள் உங்களை காணும் முன்பே, தேவன் நீங்கள் இருக்கும் இடத்திலேயே உங்களை கண்டுபிடிக்கிறார்.
அவர் உங்களை குற்றம் சாட்ட அல்ல, அழைக்கவும், ஆறுதல்படுத்தவும், உருவாக்கவும், சீஷராக மாற்றவும், அதிகாரப்படுத்தவும், பயன்படுத்தவும் உங்களை நோக்கிப் பார்க்கிறார். மற்றவர்களின் பார்வை உங்கள் மேல் படாதிருக்கும் சமயத்திலும், அவர் எப்போதும் உங்களைப்பற்றும் கரிசனையோடு செயல்பாட்டிலேயே இருக்கிறார்.
தேவன் உங்களை கவனிக்கவில்லை என்று நினைத்தால், அது தேவனிடமிருந்து வந்த எண்ணமல்ல, சத்துருவிடமிருந்து வரும் வஞ்சனையின் எண்ணங்களே தவிர வேறல்ல. தேவனின் அமைதி அவருடைய இல்லாமையல்ல, இயலாமையுமல்ல. அவருடைய தாமதம், மறுப்புமல்ல. அவர் பேசுவதற்கு முன், சற்று தாமதித்து அமைதியாக கவனிக்கிறார்.
யோனா, கப்பலின் அடிப்பகுதியில் தூங்கியபோதும், தேவன் அவனை காண தவறவில்லை. சகேயு , காட்டத்திமரத்தின் கிளையில் இருந்தபோதும், மறைந்திராதபடி கண்டுபிடிக்கப்பட்டான்.
இன்று, நீங்கள் எங்கு இருந்தாலும், அவர் பார்வையிலிருந்து மறைந்தவன் அல்ல.
உங்கள் மறைவான கண்ணீரையும், துயரங்களையும் அவர் காண்கிறார்.
உங்கள் தோல்விகள், ஏற்ற இறக்கங்கள், தடுமாற்றங்கள் , ஏமாற்றங்கள் அனைத்தும் அவருக்குத் தெரியும். குறித்த நேரத்தில் அவர் உங்களை நேரடியாக சந்திப்பார். உங்களுக்கான சரியான நேரம் காத்திருக்கிறது.
உங்களை குறித்த தரிசனம் கவனிக்கப்படும்.
“தேவனுடைய தாமதம், அவருடைய மறுப்பு அல்ல.” - A. W. Tozer
by J. I. Packer
Read More"“தேவன் நம்மை முழுமையாக அறிந்திருக்கிறார். நம்முடைய பலவீனங்கள், தோல்விகள், மறைவான பயங்கள் அனைத்தும் அவருக்குத் தெரியும். ஆனால், அந்த அறிவு நம்மை நிராகரிக்கவில்ல. அவர் கிருபையில் நம்மை நிலைநிற்கச் செய்கிறது.”"
— -
கர்த்தாவே, என்னை முழுமையாக அறிந்தும் நேசிக்கும் உமக்கு நன்றி செலுத்துகிறேன். உமது காலத்திற்காக பொறுமையோடு காத்திருக்க, விசுவாசத்தோடு முன்னேற எனக்கு கிருபை தாரும். ஆமென்.
உன் இருதயத்தை தயார் நிலையில் வைத்துக்கொள்ளுங்கள். அவருடைய பாதையில் உங்களை உறுதியுடன் நிலைநிறுத்திக்கொள்ளுங்கள்.
ஜெபித்து கர்த்தருக்காக காத்திருங்கள்.
அவருடைய மீட்பு என்றும் மறைவானதல்ல.
அவருடைய கிருபையோ அளவில்லாதது.
அவருடைய இரக்கம் உங்களுக்காக என்றென்றும் நிறைந்துள்ளது.